***.Ekyeshongoro ky'okweta abantu.
_Nimwije gye Yuda Tadeeho atushabire_
1. Akamanyiso komusharaba
(c) Ekitinwa kibe ahari patri
3.Ekyeshongoro kya Mutiima orikwera.
(a) Tusiima Ruhanga ahabwa ekincoonco ky'amagara n'abyoona ebyatukorire
(b) Tushabire abebembezi b'ekelezia Mukama abahe Mutiima orikwera babone kurisa gye entaama ze
Ai Mukama twakushaba otuhurire
(c)Tushabire abebembezi beihanga ryaitu Mukama abahereze amaani babase kwebembera omubusingye n'omuburinganiza.
Ai Mukama twakushaba otuhurire
(d) Tushabire abaana bamashomero mukama abahwere omukushoma kwabo basingure ebibuzo byabo
Ai Mukama twakushaba otuhurire
(e) Tushabire abarikutwarwatwara omumadiini agandi namunonga aga sitani Mukama abagirire embabazi aborekye omuhanda oguhikiire.
Ai Mukama twakushaba otuhurire
(f)Tushabire abaafiire boona namunonga Bishop JB kakubii, Archbishop Poul K Bakyega nabandi boona ekihumuro kirungi omwiguru.
Ai Mukama twakushaba otuhurire
(i) _Ai Ruhanga niwe murungi munonga_
Ai Ruhanga niwe murungi munonga, oheereze omugisha ekelezia yawe nabantu byensi egi, nabagyezi bagye nabatahi bangye, nabatankunda, orindegye bakuru bangye abendiini, nabensi, ohindure emitiima y'abantu abatakwikiriza namunomuno abari omunsi omu, ogarure abarugire omukelezia yaawe nabasiisi, ogumye abarungi, ohisye gye abagyenzi, otambire abooro nabanaku, ojune embohe, nabarwaire, nabari omukukaba, osaasire emitiima eri omupurigatori, nanye ompe ekiro kirungi n'omugisha gw'okufa ninkukunda Amiina.
(ii) Eshaara y'okwetonderaYuda Tadeeho Omuhikiriire(71)
Ai Yuda Tadeho omuhikirire omunsi omu okaba Ori murumuna wa yezu Ori munywaniwe omucuurezi akakutorana kuba entumwa ye yakwegyesa byoona ebiyabiire nayenda ngu omanyanye munomumo ebikwatirine nekyamuresire kurokora abantu mbwenu hurira okweshegyereza kwagye ninkusiima ahabwa okwehenegyera abantu okehayo munonga kugoshora oruganda rwa abakrisito okahisya aha bahare Amakuru marungi g'okubaretera okushemererwa ninkusiima ahabwa byoona ebi wakozire ebyakuranganise bikakuretera kwagwa abangiizi bakarugaho bakakwita ahabwa krisito.Reeba hati nitumanya gye ku okubonabonesibwa kwawe okwe kwakurugiremu okunanuka oku hati oine,okukundana kwawe na krisito kukahamibya.Abantu hati bakimanyiire kimwe kwiwe otari Yuda Ori endebya kureeka eiziina ryawe ry'ekitiinwa wekuniwe yariretire ekishembere. Mbwenu iwe omuhikirire omutonganirizi wabaine obujune yirukirira abakyene abaine enjara y'ebyomutiima nebyomubiri.Hati nu ninkushaba nti n'obunde ndyomusiisi nkoonka nimanya kuruhanga wenka ahabwa embabazi ze arikubaasa nkusaasira nshabura okwikiriza kwagye oku ndi kumwikiririzamu kweyogyere amaani ntarigira obunyetombisire ahabwa endwara nenaku zitire shaabira manye gye ebiruhanga arikunyenza omumagara aga ninkushaba ontonganirire ahari Ruhanga mboone kutunga ebindikwetenga Amiina.
(iii) Eshaara yokusiima page (73)
Ai Mukama Yezu Krisito nitukusiima ahabw'e migisha yoona ei otutugisa nogirabya omu mikono y'entumwa yaawe Yuda Tadeho.Niwe Tadeho nitukusima ahabw'okuhurira okuhooga kwaitu.Obutosha turyaguma nitukusiima.Kwonka otagarukira aha kutushabira kwonka kureka munomuno obu turi omu naku. Guma obe haihi naitwe obutoosha n'omukacu ka nyima akamagara gaitu.Oturinde turekye kugwa omu ngaro zomuzigu Amiina.
(iv) Eshaara y'okushabira abasiisi page(85)
Ai Yezu enkunzi y'emitiima yoona, otaikiriza kuferwa omutiima gwa.... ogujuumikirwe engyesho mbi egi....ei atuuramu. Niwe waahangire abantu ngu bakuhereze omu nsi Kandi bakuhimbise omu iguru.Mbwenu ikiriza....acwe ogu muze, ayegarurire engyesho ezi yakuraganiise kukuratira obu abatizibwa. Otaikiriza eshagama yawe eyaasheeshekire kusheeshekyera busha, kureka ahabw'okutinganirirwa murumuna waawe Yuda Tadeeho Omuhikiriire, Otusaasire otuhe okubagana aha mashemererwa agu oraayakiiriremu.....ogu, yagaruka ah'ori.Ai Yuda Tadeeho omuhikirire otushabire.
(v) Eshaara y'okushaba ebintu by'ensi ebi orikwetenga page (70)
Ai Yuda Tadeeho Omuhiikirire ninyetenga kutunga.....Ninyetenga ti ahabwa'okwenda kwetuguzibwa okukitunga, kureka ahabw'okumbasisa kuhereza gye Ruhanga. Ruhanga ogwo ow'embabazi, owahangire ebintu byoona omuntu kubyejunisa ompe okutunga ebyo birungi ebyagabira abaana bee, onshabire Kandi nyetegyereze amakuru n'omugasho gw'ebyo butungi omunsi birekye kunyekweisa ahari Ruhanga kureka nyeyongyere kumugaragira gye okukiraho n'okuguma nimusiima ahabw'embabazi ezi angirire ninyenda Kandi oteisemu omutiima murungi gw'okukunda kujuna abooro abataine mugisha gw'okutunga ebirungi by'ensi nkanye okunagutunga. Ai Yuda Tadeeho Omuhiikirire onshabire Amiina.
Alleluia (Embabazi za Ruhanga)
Okwehabura aha mashomo (5min)
7.Eshaara yomunovena pg 80
Ai Yuda Tadeeho Entumwa ya Mukama waitu Yezu kristo Kandi ow'omu b'oruganda rwe na Biikira Maria Nyina;ninkusingiza ahabwa rukundo mpango ei yakukunzure.Ninkusiima Kandi nimpimbisa Ruhanga ahabwa emigisha mingi ei yakuhaire. Hati n'obucureezi naija aha omu misho gaawe ninkushaba ku oikiriza kuhurira eki ninkukushaba nkwineho obwesigye. Manya Ruhanga Taata akakuha omutiima gw'esaasi kuguma noojuna abaine ebiibasasize.Mbwenu nikweshegyereza ontambire obu bukyene bunyine....nanye okukusiima ninguma nidagaana embabazi zaawe, nimpimbisa Ruhanga amagara goona;okuhisya obu arintwara owe omu iguru kukushangayo Amiina.
Ai Yuda Tadeeho Omuhisibwa nitukusingiza twine okukwesiga ×3.Iwe Entumwa obangira abashobirwe mbangira omu magara gangye ×3
Otushabire rufu etakatutwire, tutugye omugisha gw'okwegarukanisa na Ruhanga nitwangira kimwe ebiibi byaitu Kandi nitutunga komonio twine omutiima gwezire.Otushabire turebekye gye omumisho g'omuramuzi w'ekitinisa oritukwera orubanja, atuhe okunanuka okutarihwaho. Otushabire okwakirwa omuruganda rwa abahikirire abashemererwa omu iguru obutwire bwoona.
Ai Yuda Tadeeho Omuhiikirire Entumwa ya Yezu kristo Mukama waitu. Iwe owaabaire oine obuzaare nawe,okabuzya omu banyamahanga b'okwe hare.Amakuru ge marungi okahindura abantu b'enganda nyingi n'emitwarize etari emwe bakaba abakuratizi be. Nabwanyima ahabwa okumuhamiza okitwa;okahimba otyo ekitinwa ky'okuba Entumwa kandi omujurizi.
8._Eshaara y'okusaasira abatwanga page(87)_
Ai Yuda Tadeeho omuhikirire, Iwe atarakaramire nibakwitira mukama waitu Yezu kristo, kureka okasasisira abazigu bawe nk'oku yaasasire abe mpa okwetegyereza oburungi oburi omukusaasira abatushagiza ndekye kugirira enobi abataanyenda kureka mbakunde abatanyenda abo nabo obeetegyerezese kutwena turi eishe-emwe.Ruhanga kuniwe tatitwe obashabire bacwe ihari n'eitima bamanye
ekihikire babe nikyo baguma nibakuratiira. Ai Yuda Tadeeho omuhikirire otushabire. Amiina
9._Amahaiso ga Yuda Tadeeho Omuhiikirire page (59)_
Yuda Tadeho Omuhikirire omunyabuzare na Yezu na Mariya,
Owakunzire munonga kireeba Yezu na Mariya nokuguma nabo omunsi
Owahairwe ekitinwa kyokuba entumwa.
OwarebireYezu omucure nakunabisa ebigyere
Owagaburirwe enjeru ya Ukaristiya Yezu nagikwehera
Owatutwire ahabwa okufa Kwa mukama wawe,byanyima okashemererwa wamureeba azookire okamurorera natemba omwiguru
Owijuzibwe mutiima orikwera ahakiro Kya pentekooti
Owaragirire amakuru marungi omuri peresiya
Owahindwire bingi okabikirisiza ebyamaziima
Owakozire ebyokutangaza byingi ahabwa obushaborozi obuwahirwe mutiima orikwera
Owagarurire amagara g'omutiima n'agomubiiri omugabe Abagaro owabiire naramya emandwa
Owatiire ahamutwe amasiitani okagabuza n'ebigarakire
Owarangire nku omwiginya nomuzigu we wamaani barikwija kwikirizana bakagirirana obusingye
Yuda Tadeho owazibire enjooka kutatema muntu zikamwisa obushegu
Iwe otaretire ahabya okutinatinisibwa abangizi okegyesa amakuru marungi ga kristo
Owarebesibwe enaku okaba omujuni nibakutura kukunda mukama wawe
Ai iwe entumwa omuhirwa nitukuhogyera nitukwesiga×3
Yuda Tadeho omuhikirire omubangizi wabehwire amasiko ompwere omuri ezi naku zagye×3
Ahabwa obutonganirizi bwawe abasaserdoti nabikiriza boona beecuregyere ediini enkrisito.Abakaafiiri nabatikiriza bahumukye bikirize ebya amaziima.
Nitwe twogyerwe engyesho nungi ey'okwikiriza ne'yokwesiga ne'yokukunda.Tutugyeamaani g'okutiriza biteekateko bya sitaani nokugwa omumitego ye.
Ahabwa embabazi zaawe juna kandi orinde abakukunda,bakeecurenga kukuhaisa ekitinwa
Ahabwa embabazi zawe oturinde okugwa omu kibi nokworobera amairu g'omubiiri.
Ahabwa embabazi zawe otukingire sitani,etatukiza emikoono omuri byoona,namunomuno eby'okutubihabeihisa omu kacu k'okufa kwaitu.
Otushabire twagye ebiibi byaitu,tutugye amaani g'okwetisiza kimwe n'omugisha gw'okutunga amasakaramentu tutakafire.
Otushabire Ruhanga atugirire esaasi omu kutucwera orubanja,atuhe ekifubiro ekiriganire.
Otushabire tubarirwe omu kimburo ky'abarihirwa,bakesiima nibareeba Ruhanga waitu ebiiro byoona.
Kataama ka Ruhanga Iwe oyihaho ebibi by'ensi,
Kataama ka Ruhanga Iwe oyihaaho ebiibi by'ensi,
Yuda Tadeho Omuhikirire, otushabire,
Tubone kushemerera ebi kristo yaturaganiise
Ai Ruhanga owaayohereize entumwa yaawe Yuda Tadeho kutumanyisa eiziina ryawe,twakweshegyereza otuhe okuhimbisa ekitinwa kye nitukora ebirungi.
Ekyo twakishaba omuri krisito Mukama waitu.Amiina.
10._Ekikorwa kya 2 Omubyokushemererwa_
Ai Maria owahangirwe ataine kiibi kyobukomoko
Ai Yuda Tadeho Omuhiikirire
Abahikiriire ba Ruhanga mwena
Posts
.webp)
0 Comments